BE.71 Logu no.156
BEHA MA PANJALONGKU

Ayat 1
O Raja na sumrung O Jesus Tuhanki
Na so hea marujung Do harajaonMi
Pasangap ma goarMu Di hasiangan on
Paro ha rajaonMu Di atas tano on.

Ayat 2
Parroha sian purba Na ro sumomba Ho
Diboan siluana Lao pasangaphon Ho
Diida do bintangmu Na marsinondang i
Paboa nunga tubu Ho Sipalua i

Ayat 3
Ho do marhasangapon Hian o Tuhanki
Alai di hamoraon Ndang ringkot rohaMi
Ndang ro Ho manjalahi Ugasan tano on
Na porsuk do ditaoni Ho di portibi on

Ayat 4
Laos tong do Ho marsangap Huhut na songkal pe
BasaM do na gumortap nang hatigoranMi
Sude na burju roha Do diramoti Ho
Alai na jungkat roha Sai aloonMu do

Ayat 5
Asi rohaM di ahu Pamasuk ma au on
Tu na nirajaanMu Pasonang au tongtong
Sude na tau pangago Pabali sian au
Ai naeng tigot tu surgo Tongtong mardalan au.

Ayat 6
Lopokkon tu rohangku HataM na sintong i
Patiur ma rohangku Marhite bintangMi
Ho ingkon oloanku Rap dohot dongan i
Tongtong do Ho Rajangku Nuaeng nang sogot pe.
